Khua git gai wai lăng pơ ala mơnuih ƀôn sang dêh čar ta ơi Vương Đình Huệ pơsit yôm bruă bơkơtuai ba glăi bôh tơhnal kơplah wah Khua čih pioh Khua pơ ala mơnuih ƀôn sang hăng Khul pơ ala kơnuk kơna Cuba hăng Khua čih pioh, Khua Anom bruă Khua pơ ala mơnuih ƀôn sang Việt Nam gah jơlan gah pơtrut gum hrom kơplah wah dua Anom bruă Khua pơ ala mơnuih ƀôn sang.

Amăng mông tŭ jum, Khua git gai wai lăng pơ ala mơnuih ƀôn sang dêh čar ta ơi Vương Đình Huệ hăng Khua čih pioh Khua pơ ala mơnuih ƀôn sang hăng Khul pơ ala kơnuk kơna Cuba Homero Acosta Álvarez lăi lĕ, thun 2023 lĕ thun hơdor glăi 50 thun tal nao čuă mơng Khua mir sir Fidel Castro čuă kual tlaih rơngai kual Dơnung dêh čar Việt Nam gah tơring čar Quảng Trị, dua bơnah kiăng hmâo hơdôm bruă mă sit nik kiăng hơdor glăi tơlơi yôm phăn anai. Hrom hăng anun, khom lăi pơhing kơ rơnuk hlăk ai dua bôh dêh čar thâo hluh hăng thâo kơ gru grua phiăn juăt tơlơi rô nao rai dua bôh dêh čar./.