Đơ đam dêh čar ră anai hmâo giăm truh 9 klăk čô čơđai muai, rơbêh kơ 7 klăk čô tơdăm ngek dra muai, čơđai muai glăk hrăm, jơnum ƀơi giăm truh 25.000 grŭp amăng hơdôm bôh sang hră kơnuk kơna hăng gah rơngiao kơ kơnuk kơna.

Đơ đam anih jơnum

Hơdôm hrơi rơgao, bruă pơgang, bơwih brơi, pơtô juăt tơdăm ngek dra muai, čơđai muai mơng hơdôm khul grŭp, khul hmâo pok pơhai ba glăi bôh tơhnal. Kơnong yap mơng thun 2018 truh ră anai, Abih bang Khul grŭp pơdŏng phrâo rơbêh kơ 12.400 bôh anih jơnum, ngui ngor hăng gum djru, lăng ba rơbêh kơ 3 klăk 800 čô čơđai tơnap tap hăng nua 2 rơbâo 600 klai prăk. Hrom hăng anun lĕ pok pơhai lu hơdră klă, hơdră ngă pơčeh phrâo, djơ̆ hăng giăm hăng lu čơđai muai, tơdăm ngek dra muai.

Khul čơđai tơring čar Lâm Đồng pơphun anih ngui ngor kơ čơđai amăng tơring čar

Bruă jơnum đing nao bơkơtuai, gum pơhiăp kơ hơdôm tơlơi lăi pơthâo glăi tui akô̆ bruă; gum lăi pơthâo hơdôm bôh yôm kơ pok pơhai ba glăi bôh tơhnal bruă čơđai muai Việt Nam bơkơtưn ngă tui 5 mơta tơlơi Wa Hồ pơtô; ngă tui pơčeh phrâo amăng pok pơhai bruă lăi pơhing pơgang, bơwih brơi, pơtô juăt tơdăm ngek dra muai, čơđai muai; bruă mă mơng Khul grŭp amăng bruă djru pơdŏng hơdôm anih anom jơnum, ngui ngor kơ čơđai muai; bruă mă sit nik djru gum, lăng ba čơđai muai tơnap tap; hăng pơđĭ tui ba glăi bôh tơhnal bruă pơgang, pơgăn ia ƀlung gah čơđai muai...