Khua Jơnum min djop djuai ania mơnuih mơnam Việt Nam ƀơk gơnam têt ƀơi Bắc Kạn
Thứ ba, 15:55, 30/01/2024
VOV/Nay Jek pơblang
VOV/Nay Jek pơblang
VOV4.Jarai-Lơ 29/1, Khua Jơnum min djop djuai ania mơnuih mơnam Việt Nam,Đỗ Văn Chiến nao čuă, ƀơk gơnam têt kơ sang anŏ ƀun rin, mơnuih mă bruă apah sang anŏ tơnap hăng lu sang anŏ hơmâo kơnuk kơna lăng ba ƀơi tơring glông Chợ Đồn, tơring čar Bắc Kạn.
Ƀơi să Nam Cường, ơi Đỗ Văn Chiến hơmâo jao giăm 330 anung gơnam kơ sang anŏ ƀun rin hăng mơnuih ngă kông ñơn, ƀing apăn bruă kơnuk kơna sang anŏ dŏ tơnap tap. Rơngiao kơ anun, grup hyu mă bruă ăt hơmâo 300 klăk prăk pioh akŏ pơdong sang huă ƀong kơ sang hră Pù Lườn, să Cao Tân, tơring glông Pak Nặm, tơring čar Bắc Kạn.
Khua Jơnum min djop djuai ania mơnuih mơnam Việt Nam, ơi Đỗ Văn Chiến pơdah pran jua čang rơmang mơnuih ƀôn sang djop djuai ania tơring čar Bắc Kạn ăt gir run pơdah rai pran jua thâo gum pơgôp, đăo kơnang tong ten kơ jơlan hơdră mơ̆ng ping gah, tơlơi phiăn kơnuk kơna, kơtưn gir na nao, hrưn đĭ man pơdong plơi pla, tơring čar pô.
Viết bình luận