Ƀơi mông bơ ră ruai nao rai, Khua Jơnum min mơnuih ƀôn sang ƀôn prong HCM Phan Văn Mãi pơdah pran jua kiăng Khua mir sir dêh čar Đức ăt pơtrut pơsur ƀing ngă bruă sĭ mơdrô mơ̆ng dêh čar Đức pok pơhư prong bruă ngă hrŏm, tuh pơ alin ƀơi ƀôn prong amăng djop bruă mă mơ̆ gah dêh čar Đức hơmâo tơlơi gêh găl kah hăng : bruă mă pơkra ming, čuk pơkra jơlan, pơkra apui lơtrik..., djru hrŏm hăng ƀôn prong pơđĭ kyar hơđong kjăp.

Ƀôn prong HCM ƀuăn amra ngă gêh găl kơ ƀing ngă bruă sĭ mơdrô dêh čar Đức rai tuh pơ alin, sĭ mơdrô ƀơi ƀôn prong. Khua jơnum min mơnuih ƀôn sang ƀôn prong podah pran jua čang rơmang Khua mir sir dêh čar Đức pơtrut bruă pơtô pơjuăt, anom bruă sĭ mơdrô mơ̆ng dêh čar kơtưn ngă hrŏm ƀôn prong HCM wai lăng bruă pơtô hrăm, wai lăng ƀing čơđai sang hră gưl prong ƀôn prong HCM, pơblih nao rai bruă pơtô hrăm mơ̆ng dua bơnah. Grup khua mua dêh čar pơpĕ đuăi mơ̆ng ƀôn prong HCM tlam mơmŏt lơ 24/1, pơđut hiam klă tal rai čuă jơmư gưl kơnuk kơna truh pơ Việt Nam.