Amăng mông jơnum, lu mơnuih ngă hmua hơmâo tơlơi tơña hăng khua mua tơring čar Dak Nông, boh tơhnal đing nao hơdôm tơlơi tơnap tap amăng rơnoh prăk tuh pơ alin, hơdră djru čan prăk, lŏn mơnai, bruă dưm dăp bơwih ƀong ngă đang hmua, bruă pơlir 4 anih anom kiăng pơsir hĭ bruă “pơhrui hơmâo trun nua, đĭ nua pơhrui ƀiă”.

Pơlăi nao rai tơpă hăng mơnuih ngă hmua, ơi Hồ Văn Mười, Khua Jơnum min mơnuih ƀôn sang tơring čar Dak Nông brơi thâo, hơdôm thun laih rơgao, bruă ngă hmua amăng tơring čar hơmâo pơđĭ kyar djop mơta, tŏ tui gơgrong jing 1 amăng 3 bruă phun amăng bơwih ƀong huă. Laih dong pơsit tong, tơring čar tŏ tui đing nao git gai pok pơhai ha amăng plĕ hơdôm bruă jao, hơdră bruă, pel ĕp, pơphô bruă, pơplih pơkra, pơhrua hơdôm hơdră bruă pơsir hĭ tơnap tap, gun găn, ngă gêh gal kiăng pơtrut tuh pơ alin, djru brơi mơnuih ngă hmua, anom bơwih ƀong hrŏm pơđĭ kyar.