VOV4.Jarai - Mơmot tom brơi (9/10), ƀơi plơi prong Phổ Yên, tơring čar Thái Nguyên hmâo pơphun ngă Lơphet lăi pơthâo Tơlơi pơtrun pơsit mơng Jơnum min apăn bruă Khua pơ ala mơnuih ƀôn sang dêh čar ta kơ bruă pơdŏng hơdôm bôh phường gah plơi prong Phổ Yên hăng pơdŏng plơi prong Phổ Yên, tơring čar Thái Nguyên; čơkă Miđai mă bruă dăp tal sa lok 3.

Khua git gai wai lăng pơ ala mơnuih ƀôn sang dêh čar ta ơi Vương Đình Huệ pơhiăp amăng mông ngă lơphet lăi pơthâo

Pơhiăp amăng mông ngă lơphet lăi pơthâo, Khua git gai wai lăng pơ ala mơnuih ƀôn sang dêh čar ta ơi Vương Đình Huệ pơsit plơi prong Phổ Yên amra pơđĭ kyar kơtang dong, jai hrơi jai pơdrong asah klă hiam, thâo rơgơi, jing plơi prong hơdjă, hơdeč hmar, tañ pơplih, phrâo rơnuk anai, mut hrom, hrom hăng plơi prong Thái Nguyên, plơi prong Sông Công hăng hơdôm bôh tơring glông mơng tơring čar, pơdŏng tơring čar Thái Nguyên jing sa amăng hơdôm anih phun bơwih ƀong gah măi mok rơnuk anai, sa anih đĭ kyar klă mơng kual tŏng krah, kual čư̆ siăng pơngŏ dêh čar hăng kual plơi prong jưh jom Hà Nội, djơ̆ hăng tơlơi đăo gơnang hăng tơlơi čang rơmang mơng mơnuih ƀôn sang./.

VOV.VN čih

Siu H’ Prăk pơblang