Mơguah lơ 26/3, Ding kơna ding jum kơđi čar, ding kơna git gai Ping gah, Khua khul čih pơkra akŏ bruă prong mơ̆ng dêh čar ta ơi Nguyễn Thanh Nghị, Khua khul pel ĕp bruă mă, krăp lăng mrô 26, ngă bruă hăng Ping gah tơring čar Dak Lăk, kiăo tui boh than pel ĕp, krăp lăng thun 2026 mơ̆ng Ding jum kơđi čar, Khul khua git gai ping gah hăng Khul apăn bruă Ping gah tơring čar. Tơlơi akŏ phun pơƀut kơ bruă hrăm, thâo hluh rơđah, ngă tui Tơlơi pơtrun Jơnum ping gah dêh čar tal XIV hăng bruă prăp rơmet ruah khua rơwang thun 2026-2031.

Klah čun mông ngă bruă, ơi Nguyễn Thanh Nghị bơni biă tơlơi gir run mơ̆ng tơring čar amăng bruă hrăm tơlơi pơtrun ƀơi anih anih anom, mơnuih hrăm lu; lăng glăi mơnuih ngă bruă, prăp lui djŏp bruă ruah khua hăng pôr pơthâo ƀơi plơi pla djuai ania ƀiă. Laih dong, kiăng Dak Lăk lăng glăi abih mơnuih aka ƀu hrăm tơlơi pơtrun, pơđĭ tui anŏ klă bruă thâo rơđah, čih pơkra giong jơlan hơdră ngă bruă kiăo tui hơnong pơkă, bruă jao mơ̆ng Tơlơi pơtrun./.