Nao čuă, pơpŭ thun phrâo ƀing Khua pơ ala mơnuih ƀôn sang tơring čar Dak Lak, Khua khul djuai ania Y Thanh Hà Niê Kđăm lăng yôm hơdôm tơlơi gir run mơng ƀing Khua pơ ala mơnuih ƀôn sang tơring čar Dak lak amăng bruă ngă pơgiong bruă jao, hơdôm bruă mă amăng thun 2023. Laih dong, Khua khul djuai ania ăt lăi pơthâo dong sa, dua bruă mơng Ƀirô Khua pơ ala mơnuih ƀôn sang kah hăng mơng Khul djuai ania amăng thun laih rơgao hăng rơkâo, amăng thun 2024, ƀing Khua pơ ala mơnuih ƀôn sang tơring čar Dak Lak tŏ tui ngă klă bruă jao, hrưn đĭ klă dong amăng bruă mă mơng ƀing khua pơ ala, ba boh pơhiăp mơng mơnuih ƀôn sang truh pơ Ƀirô Khua pơ ala mơnuih ƀôn sang dêh čar.

Ƀrô tal anai, hluai tui rơnoh hơmâo mơng hơdôm anom bơwih ƀong sĭ mơdrô, ƀing čơmah, Khua khul djuai ania hơmâo jao brơi Jơnum min djop djuai ania mơnuih mơnam Việt Nam tơring čar Dak Lak abih tih mrô prăk lĕ 250 klăk prăk kiăng ƀơk gơnam brơi hơdôm boh sang anŏ djuai ania ƀiă tơnap tap amăng tơring čar ƀrô bơyan čơkă thun phrâo tui phiăn juăt Giáp Thìn 2024.