Hơdôm tơlơi pơgôp hiăp amăng mông jơnum lăng glăi: Thun 2023 mah hơmâo lu tơlơi tơnap tap, lông lăng samơ̆ Ping gah, abih bang mơnuih ƀôn sang hăng ling tơhan lêng kơ gum pơgôp, mut hrŏm, ngă tui djơ̆, pơčeh phrâo, hmao tlôn kiăng ngă tui ha amăng plĕ, djop mơta hơnong pơkă, bruă jao tui tơlơi pơtrun mơng Jơnum Ping gah tal 13; pơtrut kơta bruă pơjing, pơplih pơkra, pơgăn hưp ƀong kông ngăn, bruă ngă soh; pơtrut pơđĭ kyar bơwih ƀong huă-mơnuih mơnam.

Ding kơna khul apăn bruă Ping gah Trương Thị Mai rơkâo, amăng rơwang tal 1 thun 2024 hơdôm khul Ping gah, 4 anom bruă, anom bruă Ping gah, khul grup gơnong glông hơmâo pok pơhai ngă tui tơlơi pơtrun gơnong glông 8 tal 13, tơlơi črâo trun mơng Khul git gai Ping gah kơ bruă pơphun Tết Giáp Thìn thun 2024.