Tui hăng tơlơi pơsit mơ̆ng Khua mir sir, ơi Lương Đình Chung, Khua ping gah, Khua kơđi čar tơhan kual 5 hơmâo pơđĭ grăt mơ̆ng Đại tá đĭ Thiếu tướng.

Pơ ala kơ Ping gah khul ling tơhan, Ding jum ling tơhan, Đại tướng Phan Văn Giang brơi hră pơsit, brơi bơnga pơpŭ kơ Thiếu tướng Lương Đình Chung. Bruă ơi Lương Đình Chung hơmâo pơđĭ grăt Thiếu tướng pơƀuh tơlơi tŭ yap, pơpŭ bơni mơ̆ng Ping gah, Kơnuk kơna hăng ling tơhan hăng hơdôm bruă gum pơgôp prong mơ̆ng ñu amăng thun blan ngă bruă, biă ñu amăng bruă git gai, akŏ pơdong tơhan blah ngă kual 5 kjăp kơtang abih bang “ngă gru, hmư̆ hing”, pơgôp amăng bruă akŏ pơdong Khul tơhan mơnuih ƀôn sang Việt Nam ngă hơkrŭ, rơgơi, hơdeč, pơplih phrâo, pơgang kjăp Lŏn ia Việt Nam djŏp mơta yua kơ mơnuih ƀôn sang.