Kiăng dưi ngă klă bruă phrâo jao, Khua mir sir kiăng dua čô anai ngă tui djơ̆, klă tơlơi git gai črâo bruă mơ̆ng Ping gah, ngă djơ̆ tơlơi phiăn, tơlơi pơkă mơ̆ng Phiah Phiăn hăng tơlơi phiăn; ngă truh kih bruă “Akŏ pơdong dêh čar mă yua tơlơi phiăn rơgơi, pơplih phrâo, bơkơnar, tơpă sit, bơwih brơi Lŏn ia, bơwih brơi mơnuih ƀôn sang”.

Pơ ala kơ ƀing khua hơmâo ruah, Kơ-iăng khua Sang phat kơđi ơi Lê Tiến pơsit, anai jing tơlơi pơ-ư pơ-ang prong biă, samơ̆ ăt jing tơlơi gơgrong bruă prong hloh hăng Ping gah, Kơnuk kơna laih anun mơnuih ƀôn sang jao; biă ñu amăng hrơi blan Sang phat kơđi glăk pok pơhai ngă tui hơdôm tơlơi pơtrun, tơlơi črâo bruă, tơlơi pơtum glăi mơ̆ng Ping gah hăng tơlơi jao bruă prong biă mă kơ akŏ pơdong kơnuk kơna xã hội chủ nghĩa mơ̆ng mơnuih ƀôn sang, yua mơnuih ƀôn sang akŏ pơdong hăng bơwih brơi kơ mơnuih ƀôn sang; kơ pơplih phrâo, čih pơkra giong tơlơi phiăn; pơtrut pơplih phrâo mă yua tơlơi phiăn; akŏ pơdong anom bruă mă yua tơlơi phiăn rơgơi, apăn bruă, pơplih phrâo, bơkơnar, tơpă sit, djơ̆ găl, bơwih brơi Lŏn ia, bơwih brơi mơnuih ƀôn sang./.