VOV4.Jarai-Ƀrô hơdor glăi tal 40 thun hrơi pioh kơ nai pơtô hrăm hră Việt Nam, tlam lơ 15/11, ƀơi sang bruă khua mir sir, ơi Nguyễn Xuân Phúc Khua mir sir bưp, pơpŭ kơ grup 30 čô khua pơ ala ƀing nai pơtô, ƀing tha rơma laih, pơ ala kơ Khul ngă nai pơtô Việt Nam. Pơ ala kơ ping gah, kơnuk kơna, bưp ƀing nai, neh pơtô hrăm hră ră anai pơdơi abih thun bruă, pơ ala amăng Khul nai pơtô hrăm hră Việt Nam, Khua mir sir pơdah pran jua hơdor bơni lu biă mă kơ ƀing ngă nai pơtô hrăm yua pơgôp prong sui thun, tŭ yua amăng bruă pơtô hrăm dêh čar, pơyơr pran jua kơ bruă pơhrăm ană mơnuih, yua kiăng hơmâo tơlơi klă hiam kơñ pơgi kơ djuai ania.

Rĭm tơlơi tuh rơyuh pran jua, rĭm tơlơi pơčeh phrâo pơtô hrăm, tŭ mă, pơđĭ tui ƀudah ƀu tŭ yua lêng kơ găn rơgao mơ̆ng bruă git gai wai lăng  bruă pơtô hrăm mơ̆ng gơnong dlông truh pơ plơi pla, Khua mir sir ơi Nguyễn Xuân Phúc lăi lĕ, tơlơi lăp pơ-ư pơ-ang lĕ lu thun rơgao, dêh čar ta hơmâo phung nai pơtô hrăm hră, mơnuih mă bruă git gai wai lăng pơtô hrăm abih pran jua, thâo pơčeh phrâo amăng bruă mă.