Pơsit tong lŏn ia kiăng hơmâo tơlơi gum pơgôp mơng ƀing mơnuih arăng đăo gơnang amăng plơi pla mơnuih djuai ania ƀiă, Khua mir sir čang rơmang ƀing mơnuih arăng đăo gơnang lĕ ƀing mơnuih ba jơlan hlâo amăng hơdôm bruă mă amăng plơi pla, pơgôp pơđĭ kyar bơwih ƀong huă, mơnuih mơnam, gir run djru pơgang rơnuk rơnua, wai pơgang lŏn ia.

Khua mir sir Nguyễn Xuân Phúc ƀơk gơnam brơi mơnuih arăng đăo gơnang amăng mông bưp

Amăng mông bưp, ƀing mơnuih arăng đăo gơnang pơlăi nao rai tơlơi găn rơgao amăng bruă man pơdong sang brơi mơnuih djru hơkrŭ, mơnuih ƀun rin amăng plơi pla; gir run hrưn đĭ pơklaih mơng ƀun rin; pơtrut pơsur, pơtô pơblang, neh met wa djă pioh hăng lăi pơthâo gru rgua yôm phara mơng djuai ania, lui hĭ tơlơi phiăn sô hơđăp ƀu klă hiam…laih dong čang rơmang Ping gah, Kơnuk kơna tŏ tui gum djru kiăng neh met wa pơđĭ kyar bơwih ƀong huă mơnuih mơnam, hrưn đĭ pơplih tơlơi hơdip mơda.