VOV4.Jarai - Lơ 12/10, ƀơi ƀon prong Hồ Chí Minh, Khua mir sir ơi Nguyễn Xuân Phúc hăng Grup khua pơ ala mơnuih ƀon sang ƀon prong Hồ Chí Minh mrô 10 bưp mơnuih ƀon sang tơring glông Củ Chi hăng Hóc Môn. Hrŏm hăng grup khua pơ ala ƀon prong hơmâo hmư̆, lăi glăi tơlơi tơña,  pơhmư̆ tơlơi pơgôp hiăp mơng mơnuih ƀon sang kơ hơdôm bruă yôm phun mơng lŏn ia hăng mơng ƀon prong, kah hăng bruă ia săng ia jâo; kơčăo bruă ƀơi ƀon prong Hồ Chí Minh pơklaih lui đôč đač ngă mơnuih ƀon sang hil biă...

Khua mir sir ơi Nguyễn Xuân Phúc bưp mơnuih ƀon sang ƀơi Hóc Môn

Khua mir sir git gai khua mua ƀon prong lăi pơthâo rơđah hăng mơnuih ƀon sang ƀơi mông bưp mơtăm, laih dong pơsir brơi tañ hơdôm tơlơi rơkâo djơ̆ mơng mơnuih ƀon sang. ƀơi mông bưp, Khua mir sir ơi Nguyễn Xuân Phúc ăt lăi pơthâo hăng mơnuih ƀon sang kơ tơlơi truh kih mơng Jơnum lok 6 Khul khua git gai Ping gah phrâo pơphun. Kơ boh than mơng bruă mă thun 2022, Khua mir sir brơi thâo, dêh čar ta hơmâo ngă truh kih, dưi ngă amăng abih bang bruă jao. Tui anun, dêh čar ta hơmâo 14/15 mơta bruă dưi ngă truh kih, lu hơnong pơkă ba glăi boh than yôm.

Siu H’Mai: Pơblang