Čơkă jum khua anih jưh pơ ala dêh čar Ba Lan, Aleksander Surdej rai mă bruă phrâo ƀơi Việt Nam, Khua mir sir pơdah rai pran jua đăo kơnang, Khua anih jưh amra hơmâo lu bruă mă pơgôp hrŏm prong hloh, pơtrut bruă ngă giăng mah dua bơnah dêh čar. Khua mir sir lăi pơtong, mơnuih ƀôn sang Việt Nam pơpŭ biă mă tơlơi dong yua hăng djru ba mơ̆ng mơnuih ƀôn sang Ba Lan pioh kơ Việt Nam amăng rơnuk blah ngă kiăng pơklaih rơngai lŏn ia, ăt kah hăng rơnuk mơak hlak akŏ pơdong lŏn ia ră anai.

Tŭ jum Khua anih jưh pơ ala dêh čar Español, Carmen Cano De Lasala, Khua mir sỉ hok mơak ƀuh, bruă ngă hrŏm dua bơnah ba glăi boh tŭ yua hiam klă djop bruă. Khua mir sir rơkâo dua bơnah dêh čar kơtưn bruă ngă đăo kơnang nao rai kơđi čar, pơtom hiăp, pơtrut bruă khua mua dua bơnah čuă jơmư nao rai gưl kơnuk kơna.