Khua mir sir Võ Văn Thưởng nao čuh ñang h’ŭ, hơdor tơngia kơ rơgom ơi Trường Chinh-sa čô khua 3 wơ̆t ngă khua git gai ping gah dêh čar laih anun ngă khua khul gum hơbit amăng kơnuk kơna, ră anai khua mir sir, mơ̆ng thun 1981-1987. Lŏn ta dưi hơmâo boh tơhnal kah hăng ră anai, hơmâo pơtong sit jơlan hơdră djơ̆ lăp mơ̆ng bruă akŏ pơdong lŏn ia thâo pơblih phrâo mơ̆ng rơgom ơi Trường Chinh pô pơphun. Khua mir sir Võ Văn Thưởng ăt nao čuh ñang h’ŭ kơ rơgom ơi Trần Đại Quang Khua mir sir hơđăp dêh čar ta, mơ̆ng thun 2016-2018.

Sa čô khua mir sir ơi Trần Đại Quang hơmâo pioh glăi lu gru grua hiam amăng pran jua mơnuih ƀôn sang hăng gơyut gơyâo jar kmar, djru hrŏm pơtrut kơnuih hing ang kơ lŏn ia ta. Ƀrô čơkă thun phrâo, Khua mir sir Võ Văn Thưởng nao čuă khua hơđăp mir sir ơi Trần Đức Lương hăng ơi Nguyễn Xuân Phúc. Khua mir sir Võ Văn Thưởng pơpŭ kơ ƀơi khua mua hơđăp, hiam drơi jăn, hơdip truh tơnŭk, djru hrŏm pran jua, tơlơi pơmin hăng bruă tom găn rơgao lu hloh kơ bruă pơđĭ kyar lŏn ia.