Khua mir sir dêh čar ta, ơi Võ Văn Thưởng lăi rơđah bôh than mơ̆ng tal nao mă bruă hrŏm hăng bruă pơhmư̆ mông Bơkơtuai gưl dlông gum hrŏm jar kơmar “Guai hăng jơlan” tal 3, dô̆ kiăng pơplih rơđah dong hăng pok pơhai gum hrŏm kơplah wah dua bôh dêh čar.

Amăng mông bưp, dua gơñu lăi rơđah, kơtưn dong bruă pơbưp gưl dlông hăng hơdôm gưl, pơđĭ tui anô̆ kơjăp, bôh tơhnal gum hrŏm amăng lu bruă, phun ñu lĕ pơtrut sĭ mơdrô đĭ kyar dưm kơnar, kơjăp phik. Khua mir sir dêh čar ta rơkâo Khač kơtưn blơi mut gơnam tam, biă ñu gơnam mă mơ̆ng đang hmua mơ̆ng Việt Nam; pơtrut gum hrŏm tuh pơplai, tô nao rai jơlan lu mơta. Khua mir sir dêh čar ta, ơi Võ Văn Thưởng ăt rơkâo mơn dua bơnah kơtưn bơkơtuai mơnuih ƀôn sang hăng phun ñu lĕ bơkơtuai nao rai bôh thâo, gum hrŏm ba tuai hyu čuă ngui, djơ̆ hăng tơlơi kiăng bơkơtuai, tơlơi hơdip pran jua mơ̆ng mơnuih ƀôn sang./.