Amăng mông bưp, Khua mir sir dêh čar ta, ơi Võ Văn Thưởng djă pioh, pơsit yôm hơdôm hrơi rơgao. Ƀôn prong ƀu pơdơi gir run, tô nao rai hơdôm khul mơnuih mơnam hơkrŭ pơsir anô̆ pioh glăi tơdơi kơ klin Covid-19; hơkrŭ glăi bruă bơwih ƀong huă, pơsir hơdôm tơlơi akă giong, đing nao tơlơi hơdip mơda mơnuih mơnam, bôh tŭ yua mơnuih mơnam, bơwih brơi hơđong hăng pơđĭ tui tơlơi hơdip mơda gơnam tam, pran jua mơng mơnuih ƀôn sang.

Amăng tơlơi pơđĭ kyar mơng ƀôn prong hăng lŏn ia hmâo tơlơi gum hơgôp yôm phăn mơng djop khua khul, wai lăng khul đăo, djuai ania, mơnuih thâo hră, hơdôm khul grŭp, mơnuih mơbruă mơng ƀôn prong. Khua mir sir dêh čar rơkâo ƀôn prong ngă klă hơdôm tơlơi pơtrun pơsit mơng Ping gah, mơ̆ng Khua pơ ala mơnuih ƀôn sang, amăng anun hmâo hơdôm hơdră pơkă pha ra, ngă brơi ƀôn prong pơđĭ kyar./.