Tơdơi kơ nao čuă anih kơsem min boh thâo, anih pioh hră mơ̆ng Sang hră gưl prong Việt Đức, Khua mir sir Đức hơmâo tơlơi pơhiăp ƀơi anăp čơđai sang hră hăng ƀing nai. Ñu lăp hơdor biă lơ̆m rai čuă Việt Nam, laih dong lăng yôm tơlơi gơgrong bruă mơ̆ng Việt Nam amăng kual wơ̆t hăng ƀơi jar kmar. Khua mir sir dêh čar Đức lăi sang hră Đại học Việt Đức jing kơčăo bruă “gong apui rơđah bơngač” kơ tơlơi rô nao rai kơplah wah dua boh dêh čar. Dêh čar Đức amra djru ba Việt Nam amăng bruă pơtô pơjuăt mơnuih mă bruă.

Ƀrô tal hyu čuă jơmư anai, Khua ding jum Mơnuih mă bruă -Mơnuih mơnam dêh čar Đức ăt bưp lu čơđai sang hră gưl prong Việt Đức. hơdôm anom bơwih ƀong Đức ăt pơhiăp tom hăng ƀing nai pơtô, čơđai sang hră kơ tơlơi kiăng mơnuih mă bruă, kiăng tơlơi rơgơi mơ̆ng ƀing čơđai tơdơi kơ hrăm giong.