Hơdôm hrơi rơgao, tơlơi rô nao rai dua bơnah Việt Nam hăng Indonesia ƀơi jơlan pơđĭ kyar kơtang dong. Tal rai čuă pơ̆ anăp amra jing tal 2 Khua mir sir Joko Widodo čuă gưl Kơnuk kơna rai pơ̆ Việt Nam (tơdơi tal čuă blan 9/2018) hăng jing tal pioh dua bơnah bơkơtuai hơdôm bruă pơtrut gum hrŏm, ngă dơlăm dong tơlơi rô nao rai gum hrŏm, mơ̆ng anun hruă kơjăp tơlơi rô nao rai giăng mah mơ̆ng hlâo hmâo bư̆ bôr đĭ giăm truh 70 thun rơgao.

Ră anai dua bôh dêh čar ăt dô̆ hmâo mơn lu tơhnal gal pioh mă yua, tơlơi rô nao rai gum hrŏm kơjăp phik, dơlăm kơplah wah Việt Nam hăng Indonesia amra ngă gal brơi pioh dua bôh dêh čar pơđĭ truh tơhnal rô nao rai dua bơnah, djơ̆ hăng tơhnal gal, pran kơtang mơ̆ng rim bôh dêh čar ăt kah hăng tơlơi pơđĭ kyar klă hiam mơ̆ng tơlơi rô nao rai dua bơnah amăng hơdôm hrơi rơgao./.