Hơdôm bôh să Khổng Lào, Hoàng Then, Mường So hmâo 30 kual mơnuih ƀôn sang dô̆, hăng 3.404 bôh sang anô̆, hmâo 5 djuai ania Yuan, Thái, Dao, Mông, Dáy hơdip hrom. Mơnuih ƀôn sang lăng yôm na nao pran jua gum hrom hơbit, mut hrom; ngă tui klă hơdôm hơdră pơtrun, jơlan gah mơng Ping gah, hơdră bruă, tơlơi phiăn mơng Kơnuk kơna; pơkă tơlơi pơkôl plơi pla ƀơi anih mơnuih ƀôn sang dô̆; hur har bơkơtưn mă bruă bơwih ƀong huă, hrŏ trun ƀun rin; truh ră anai hmâo laih 2/3 bôh să djơ̆ hăng plơi pla phrâo.

Neh wa tlâo bôh să đing nao pơgang hăng ngă tui hơdôm phiăn jơnum ngui tui phiăn juăt, gum hrom klă hơdôm hơdră wai lăng mă pô ƀơi kual mơnuih ƀôn sang dô̆... Ră ruai hăng neh wa, Khua mir sir dêh čar ơi Nguyễn Xuân Phúc lăi rơđah, gum hrom hơbit lĕ sa phiăn juăt yôm phăn mơng djuai ania Việt Nam; rim mơnuih ƀôn sang khom gơgrong pô hăng plơi pla pô, lŏn ia pô; lăng ba, dŏng yua hăng gum djru nao rai kiăng djop mơnuih, djop sang jai hmâo tơlơi hơdip klă hiam hloh. Neh wa gum hrom hơbit, pơdŏng sang anô̆, plơi pla ƀu djơ̆ kơnong kơ pioh pơđĭ kyar bơwih ƀong, ngă pơdrong ôh mơ̆, dô̆ djă pioh hơdôm anô̆ yôm gru grua phiăn bôh thâo, phiăn klă hiam mơng sang anô̆, kơnung djuai; pơsur ană tơčô triăng săng, hrăm hră rơgơi...