Pô rơgơi bôh pia Nguyễn Bình pơdah pran jua pơpŭ dưi hmâo Khua mir sir dêh čar ta ơi Nguyễn Xuân Phúc pơsur pran jua, pơdah tơlơi lăng ba mơng khua git gai Ping gah, Kơnuk kơna hăng drơi pô Khua mir sir truh hăng rơnuk klăk ai. Nguyễn Bình pơphun čih hră mơng 8 thun, hmâo pran jua hrăm mă pô hăng truh ră anai thâo lu tơlơi pơhiăp, amăng anun hmâo wot tơlơi pơhiăp đưm mơng rŏng lŏn tơnah kiăng pơblang hơdôm tơlơi čih bôh pia hmư̆ hing djơ̆ hloh hăng hră čih phun ñu mơng ƀing pô čih mơng lu rơnuk hlâo adih.

Nguyễn Bình ră anai glăk pơmin sa dua rơwang bruă bôh pia, amăng anun čang rơmang čih tơlơi akhan kơ Việt Nam kiăng mơng anun ba gru rŭp, lŏn ia, ană mơnuih Việt Nam, amăng anun hmâo mơnuih pơđom pioh gru grua đưm mơng Việt Nam truh pơ̆ dêh čar tač rơngiao. Amăng mông bưp, Khua mir sir dêh čar ta ơi Nguyễn Xuân Phúc čang rơmang Nguyễn Bình hrăm dong, kơsem min, hmâo lu tơlơi čih thâo mơ-ak, hmâo nua yôm, djru kơ bruă bôh pia lŏn ia ăt kah hăng lăi pơhư̆č dong gru rŭp, bôh thâo, ană mơnuih Việt Nam kơ jar kơmar./.