Tal rai čuă jơmư anai mơ̆ng Khua mir sir dêh čar Panama, ơi Jose Mulino jing mông gêh găl pioh kơ dua boh dêh čar ngă dơlăm tui tơlơi rô nao rai, ngă hrŏm, pơtom hiăp bruă kơđi čar, kơtưn tơlơi thâo hluh nao rai tơdruă, laih dơ̆ng pơjing tơlơi ngă giăng mah pŭ ƀăn gru grua mơ̆ng đưm, hơmâo pơbŭ brơi laih amăng rơbêh 50 thun pơklôn adih, jing bruă ngă hrŏm, hơdră yom phrâo, ba glăi boh tŭ yua sit nik.

Tal rai čuă jơmư anai, mơ̆ng Khua mir sir ơi Jose Mulino amra djru hrŏm pok phrâo jơlan hơdră tơlơi ngă giăng mah plah wah Panama hăng Việt Nam, laih dơ̆ng pơjing atur kơjăp hloh amăng bruă ngă hrŏm sui thun kơ dua bơnah dêh čar. Amăng tal rai čuă jơmư sit nik Việt Nam anai, Khua mir sir dêh čar Panama amra bơkơtuai hăng khua ping gah, khua mir sir dêh čar ta ơi Tô Lâm, bưp khua dêh čar ơi Lê Minh Hưng hăng Khua anom bruă pơ ala mơnuih ƀôn sang dêh čar ơi Trần Thanh Mẫn.