Khua mir sir dêh čar ta Võ Văn Thưởng nao pơhmư̆ hăng đĭ gum pơhiăp črâo ba. Thun 2023 lĕ thun hmâo lu bôh yôm, sa thun dik dak amăng bruă pơphô hlâo, djru bruă mă mơ̆ng Khua mir sir, Kơ-iăng Khua mir sir pok pơhai bruă mă amăng lŏn ia hăng pơtom hiăp hăng dêh čar tač rơngiao gưl Kơnuk kơna.

Mơnuih apăn bruă, mơnuih ping gah, mơnuih mă bruă Anom bruă Khua mir sir dêh car hmâo lăi pơthâo, pok pơhai ba glăi pran jua črâo ba hăng hơdôm hră pơ-ar pơtô ba mơ̆ng gưl dlông, ƀu pơdơi gir run, yak rơgao tơlơi tơnap, pơđĭ tui bruă gơgrong, djă pioh tơpă tơlơi pơkă, phiăn pơtrun, ngă giong prong bruă jao thun 2023. Pơhiăp amăng mông jơnum, Khua mir sir dêh čar ta Võ Văn Thưởng lăi pơphô brơi amăng thun 2024, Anom bruă Khua mir sir ngă tui jơlan gah: Gum hrŏm hơbit, tơlơi pơkă, gơgrong hlâo, djơ̆ hrŏm, anô̆ klă ngă tui klă bruă djru Khua mir sir hăng Kơ-iăng Khua mir sir pơhlôm klă hloh gru rŭp pơ ala kơ dêh čar, lŏn ia./.