VOV4.Jarai - Tlam lơ 25/9, Khua mir sir ơi Nguyễn Xuân Phúc hrŏm hăng khua mua mơng Việt Nam nao truh laih pơ tơdron rơdêh por Haneda, Tokyo, pơphun hơdôm bruă amăng tal nao pơhmư̆ hrơi ngă lơphet Kơnuk kơna hơ-ŭ kơ Khua dêh čar hơđăp Japan ơi Abe Shinzo.

Khua mir sir ơi Nguyễn Xuân Phúc nao pơ tơdron rơdêh por Haneda, Tokyo.

Tui hăng jơlan ngă bruă, Khua mir sir ơi Nguyễn Xuân Phúc hăng khul khua mơng Việt Nam nao pơhmư̆ mông ngă lơphet Kơnuk kơna hơ-ŭ kơ Khua dêh čar hơđăp rơgŏm ơi Abe Shinzo; Jơnum hăng Khua dêh čar Japan Kishida Fumio; bưp Khua git gai pơ ala mơnuih ƀon sang gơnong yŭ, Khua git gai pơ ala mơnuih ƀon sang gơnong dlông Japan; pơƀuh ƀô̆ amăng hrơi ơi pơtao Japan tŭ jum khua khul hơdôm boh dêh čar; tŭ jum Khua khul pơlir hơbit Japan - Việt Nam hăng Khua hdêh čar hơđăp ơi Suga Yoshihide; bưp khua git gai hơdôm boh tơring čar; bưp Khua anih jưh hơđăp Japan ƀơi Việt Nam; bưp nao rai dua bơnah hăng khua mua hơdôm boh dêh čar nao hơ-ŭ, nao jôk atâo; bưp Khua Khul pơ ala kual Mi Kô̆; ƀing pơ ala kơ mơnuih rơgơi mơbruă Việt Nam ƀơi Japan.

Siu H’Mai: Pơblang