Khua dêh čar ta pơsit yôm, bơni tơlơi gir run mơ̆ng ƀing Khua mua, gưl ping gah, gong gai, ling tơhan hăng mơnuih ƀôn sang tơring čar Bình Dương hăng hơdôm bôh than yôm phăn dưi ngă, djru yôm phăn amăng bôh tơhnal hrŏm mơ̆ng đơ đam dêh čar. Gah bruă jao, jơlan pơsir phun, Khua dêh čar rơkâo Bình Dương khom pơđĭ kyar phrâo amăng lu bruă.

Tañ čih pơkra, ngă giong kơčăo bruă ngă tui Tơlơi pơkă kual; pơsit bôh yôm phun, rơnoh bruă hăng ngăn rơnoh ngă tui hơdôm jơlan hơdră, rơwang bruă amăng Kual pơkă, biă ñu hơdôm rơwang bruă phun. Pơtrut kơtang pơsir ngăn drăp tuh pơplai bruă hrŏm, biă ñu hơdôm ring bruă, rơwang bruă phun; ngă tui dong hơdră gum hrŏm bruă kơnuk kơna hăng mơnuih ƀôn sang; ngă pơhưč tuh pơplai mơ̆ng dêh čar tač rơngiao. Khua dêh čar rơkâo Bình Dương, ba jơlan hlâo amăng hơdră bruă sang dô̆ mơnuih mơnam ngă gal brơi kơ mơnuih mă bruă blơi, apah, blơi sang dô̆; Pok pơhai ba glăi bôh tơhnal bruă hơđong tơlơi hơdip mơda mơnuih mơnam, pơhlôm bôh tŭ yua kơ mơnuih mơnam./.