Pel ĕp kual pơsir anih anom mă yua pơkra jơlan, Khua dêh čar ta ơi Phạm Minh Chính lăi rơđah anai lĕ jơlan phun, hmâo bôh yôm kơ bruă mă, tô nao rai kơplah wah kual Dap Kơdư, Ngŏ Dơnung dêh čar, tơdrŏn rơdêh por Long Thành hăng hơdôm ară jơlan đuăi hmar, tơdrun tum păn... Khua dêh čar ta rơkâo 2 tơring čar Bình Dương, Bình Phước gum hrŏm kơjăp, djru nao rai kiăng pơtrut rơnoh rơwang bruă, amăng anun črăn găn tơring čar Bình Phước kơnong kơ hmâo 7km tui hơdră tuh pơplai kơnuk kơna khom tañ pok pơhai, ngă giong tañ.

Khua dêh čar ta rơkâo pơpha hơdôm anih kuh nao rai ƀơi glông jơlan đuăi hmar lăp djơ̆, tañ pơkă kiăng pok pơhai mă yua klă hloh anih anom pơđĭ kyar phrâo mơ̆ng jơlan đuăi hmar, pơđĭ kyar hơdôm kual sang măi, sĭ gơnam tam, plơi prong rơnuk phrâo hăng hơdôm bôh than kơsem min hơdră mă yua măi mok, pơplih phrâo pơčeh phrâo, pơđĭ kyar bơwih ƀong mrô, bơwih ƀong mơtah, bơwih ƀong sir akô̆ tlôn amăng hơdôm kual sang măi./.