Amăng mông bơkơtuai, dua gơñu pơtŏng sit tơhnal yôm phăn mơ̆ng bruă pơtrut bơkơtuai nao rai grŭp hơdôm gưl, biă ñu lĕ gưl dlông, dua bơnah pok pơhai ba glăi bôh tơhnal hơdôm hơdră gum hrŏm hmâo hơđăp ăt kah hăng kơplah wah ding jum, gơnong bruă, tơring čar, ƀôn prong kiăng kơtưn thâo hluh nao rai, đăo gơnang, pơjing pran jua pơtrut kơ gum hrŏm lu mơta kơplah wah dua bôh dêh čar.

Dua bơnah tŭ ư gum hrŏm kơjăp dong hăng dŏng yua tơdruă amăng hơdôm mông bơkơtuai lu bơnah, biă ñu lĕ Sang gum hơbit djop dêh čar, Jơnum gưl dlông kơ Gum hrŏm ngă bruă hăng hơdôm bruă pơjing pran đăo gơnang ƀơi kual Mi Kô̆; pơtŏng sit Việt Nam amra jing pô tô jơlan kiăng Kazakhstan kơtưn gum hrŏm hăng hơdôm bôh dêh čar amăng kual Đông Nam Á hăng Kazakhstan amra jing glông tô nao rai pioh Việt Nam kơtưn gum hrŏm hăng hơdôm bôh dêh kual Tŏng Krah ASIA./.