Khua mir sir dêh čar ta rơkâo Bình Phước lăi pơthâo dong hơdôm tơlơi pơtrun pơsit mơng Ping gah kơ pơgang lŏn ia, plơi pla, pơtom hiăp, nao hrŏm hăng pơđĭ kyar bơwih ƀong – mơnuih mơnam; pơplih phrâo hăng hơdôm kơčăo bruă, jơlan hơdră ngă, jơlan pơsir lăp djơ̆ kiăng pơgang kơjăp lŏn ia pô, djă pioh rơnuk rơnua lŏn ia, hơđong plơi pla, pơhlôm mơnuih mơnam.

Khua mir sir dêh čar lăi rơđah, tơring čar khom lăi pơthâo ngă tui klă Tơlơi pơtrun pơsit 27 kơ pơdŏng hăng ngă giong Kơnuk kơna djơ̆ phiăn djop mơnuih dưm kơnar Việt Nam djơ̆ hăng tơlơi hmâo ră anai mơ̆ng tơring čar. Đing nao pơphun ngă tui tơlơi phiăn tơpă, ha sa; pơhlôm pơpŭ Phiah phiăn hăng tơlơi phiăn. Pơtrut pơplih pơkra tơlơi phiăn, pơhlôm klă mơ̆ng sang phăt kơđi tui tơlơi pô dưi pơsir kơđi, pel ĕp, pơsit pơsir kơđi hăng ngă tui djơ̆ tơlơi phiăn pơkă. Đing nao pơđĭ tui bôh thâo git gai hăng pran gơgrong mơ̆ng hơdôm gưl ping gah, khul ping gah, pơdŏng khul tơhan klă hiam, kơjăp kơtang...