Amăng hră, Khua mir sir dêh čar pơtŏng sit: “Ping gah, Kơnuk kơna ta pơsit na nao bruă pơtô juăt lĕ hơdră lŏn ia ba jơlan hlâo. Bruă pơtô juăt, pơhrăm ƀing čơđai lĕ bruă jao hrŏm mơ̆ng sang hră – sang anô̆ hăng mơnuih mơnam. Sa lŏn ia kiăng pơđĭ kyar khom hmâo bruă pơtô pơhrăm klă hăng tuh pơplai kơ bruă pơtô juăt jing tuh pơplai kơ pơđĭ kyar kơjăp phik. Kâo čang rơmang ƀing nai pơtô čơđai djă kơjăp pran jua mă bruă, abih pran jua hăng bruă mă, pran gơgrong găn rơgao djop tơlơi gun, tơlơi tơnap, djru lu hloh dong kơ bruă pơtô pơhrăm. Kâo čang rơmang ƀing amĭ ama čơđai, yua kơ ană bă pơgi kơdih anai, khom gum hrŏm hăng sang hră hăng mơnuih mơnam amăng pơtô pơhrăm, bơwih brơi kơ ƀing čơđai. Kâo rơkâo hơdôm gưl ping gah, gong gai bơwih brơi hloh dong bruă pơtô pơhrăm hăng hơdôm hơdră pơsit hmao tlôn hăng djơ̆, pơdŏng brơi anih anom pơtô pơhrăm sit nik klă hiam, tâ̆o yâu, pơhlôm hơđong, kiăng ƀing nai pơtô čơđai hăng ƀing čơđai sang hră, čơđai gưl dlông dưi pơtô pơhrăm hăng pơhrăm amăng tơlơi mơ-ak, tâ̆o yâu, dưi ngă tui đut hlah bôh thâo pơčeh phrâo, djru yôm phăn ngă tui giong bruă pơplih phrâo phun hăng pơhlôm pơtô pơhrăm lŏn ia ta”./.