Pơhiăp amăng mông ngă lơphet, Khua mir sir dêh čar ta, ơi Võ Văn Thưởng bâo glăi phiăn juăt gru grua đưm ư-ang mơ̆ng kual lŏn, ană mơnuih Quảng Ninh, jing anih phun ƀơi akô̆ Lŏn ia; anih hmâo ia krông Bạch Đằng, djă pioh gru grua đưm hur har mơ̆ng djuai ania hăng 3 wot blah pơrai ayăt.

Khua mir sir dêh čar ta pơsit yôm Ping gah, gong gai hăng mơnuih ƀôn sang tơring čar Quảng Ninh hơdôm hrơi rơgao lăng yôm dong phiăn juăt gum hrŏm hơbit, pran gơgrong đĭ mơ̆ng pô, hur har, pơčeh phrâo, hmâo lu bôh than prong. Bơwih ƀong pơđĭ kyar kơtang, rơnoh pơđĭ kyar (GRDP) dlông hăng hơđong, na nao amăng 8 thun, mơ̆ng thun 2016 leng kơ đĭ rơbêh kơ 10%; pơhrui ngăn drăp kơnuk kơna dŏng amăng ƀut ba jơlan hlâo đơ đam dêh čar. Quảng Ninh hmâo ngă giong laih jơlan hơdră pơdŏng plơi pla phrâo kơjăp phik rơwang 2021-2025. Bruă pơdŏng, pơplih pơkra Ping gah hăng glông bruă kơđi čar dưi đing nao, hmâo lu pơplih phrâo./.