Čơtlăm lơ 20/10, Khua mir sir dêh čar ta ơi Võ Văn Thưởng hăng Grŭp khua pơ ala Gưl dlông Việt Nam hmâo glăi truh laih pơ̆ Hà Nội, pơđut klă hiam tal nao pơhmư̆ Bruă bơkơtuai gưl dlông gum hrŏm jar kơmar “Guai hăng jơlan” (BRF) tal 3 ƀơi Khač. Ƀơi plơi prong jưh jom Bắc Kinh, dêh čar Khač, amăng jơlan hơdră nao pơhmư̆ Bruă bơkơtuai gưl dlông gum hrŏm jar kơmar “Guai hăng jơlan”, Khua mir sir dêh čar ta ơi Võ Văn Thưởng hmâo nao pơhmư̆ laih mông ngă Lơphet pok phun yôm phăn hăng tơlơi nao pơhmư̆ mơ̆ng rơbêh kơ 4.000 čô khua pơ ala mơ̆ng rơbêh kơ 140 bôh dêh čar hăng 30 khul grŭp jar kơmar hăng rơbêh kơ 20 čô khua dêh čar, mơnuih apăn akô̆ Gong gai dêh čar hmâo nao pơhmư̆ mông Bơkơtuai.

Amăng mông Bơkơtuai anai, Khua mir sir dêh čar ta ơi Võ Văn Thưởng hmâo lăi nao tơlơi pơtŏng sit mơ̆ng Việt Nam dŏng yua na nao hơdôm tơlơi pơčeh phrâo hmâo yua kơ rơnuk rơnua, gum hrŏm pơđĭ kyar ƀơi kual hăng ƀơi rŏng lŏn tơnah; amăng anun hmâo tơlơi pơčeh phrâo guai hăng jơlan yua kơ Khač pok phun. Ƀrô djơ̆ tal anai, Khua mir sir dêh čar ta hmâo laih lu bruă bưp lu khua mua, khua grŭp hơdôm bôh dêh čar, hơdôm khul grŭp jar kơmar, bơkơtuai hơdôm bruă pơđĭ tui bôh tơhnal gum hrŏm dua bơnah. Tal nao hmâo truh kih klă hiam, pơdah tơlơi pơkôl kơtang khop mơ̆ng Việt Nam pioh kơ kơnuk kơna lu bơnah, kơtưn gum hrŏm hăng pơlir bruă bơwih ƀong ƀơi kual hăng rŏng lŏn tơnah./.