Khua mir sir dêh čar ta, ơi Võ Văn Thưởng pơsit Tơlơi pơkôl djru tơlơi phiăn gah hình sự kơplah wah dêh čar Việt Nam hăng dêh čar Argentina
Thứ năm, 10:10, 26/10/2023
VOV/Siu H' Prăk pơblang
VOV/Siu H' Prăk pơblang
VOV4.Jarai – Khua mir sir dêh čar ta, ơi Võ Văn Thưởng phrâo kĭ pơsit Tơlơi pơkôl djru tơlơi phiăn gah hình sự kơplah wah dêh čar Việt Nam hăng dêh čar Argentina tui tơlơi rơkâo mơ̆ng Gong gai dêh čar amăng Hră lăi pơthâo mrô 523 lơ 9/10/2023.
Tơlơi pơkôl djru tơlơi phiăn gah hình sự kơplăh wah Việt Nam hăng Argentina amra djru pơtrut tơlơi gum hrŏm abih bang kơplah wah dua bôh dêh čar pơđĭ kyar dong hăng ba glăi lu anô̆ bơdjơ̆ nao klă amăng lu bruă.
Anai lĕ gru than tơlơi phiăn ƀơi anăp, tum djop, yôm phăn pioh hơdôm bôh ƀirô ngă tui tơlơi phiăn dua bôh dêh čar, gum hrŏm pel ĕp, tŭ mă gŏng jơlan, pơphun hơdôm bruă ƀom kơđi kiăng pơsir abih bang hơdôm kơđi tơlơi, djơ̆ hăng tơlơi kiăng pơđĭ tui bôh tơhnal pơgang, pơgăn ƀing ngă soh, pơgang klă hloh tơlơi dưi hăng bôh tŭ yua djơ̆ phiăn mơ̆ng mơnuih rim bôh dêh čar./.
Viết bình luận