Tŭ jum Khua anih jưh pơ ala kơ dêh čar Ai-len, Khua mir sir dêh čar ta, ơi Võ Văn Thưởng hơ-ưč hmưi yă Deirdre Ni Fhallúin dưi ruah ngă Khua anih pơ ala kơ dêh čar ƀơi dêh čar Việt Nam; đăo gơnang Khua anih pơ ala hmâo rơwang bruă mă truh kih klă hiam, djru klă amăng tơlơi rô nao rai dua bôh dêh čar.

Khua mir sir dêh čar đăo gơnang, amăng rơwang bruă mơ̆ng ñu jing rơwang pơplih phrâo hơdôm tơlơi čang rơmang amăng gum hrŏm kơplah wah dua bôh dêh čar. Tŭ jum Khua anih jưh pơ ala kơ dêh čar Italia, ơi Marco Della Seta, Khua mir sir dêh čar ta, ơi Võ Văn Thưởng hơ-ư̆č hmưi Khua anih jưh pơ ala gơgrong bruă jao phrâo ƀơi Việt Nam. Đăo gơnang lĕ hăng lu tơlơi găn rơgao amăng bruă pơtom hiăp, Khua anih jưh pơ ala amra hmâo sa rơwang bruă truh kih ƀơi Việt Nam. Khua mir sir dêh čar ta lăi lĕ, tơhnal gal gum hrŏm dua bôh dêh čar dô̆ lu hăng brơi thâo, Việt Nam amra gum hrŏm Italia ngă tui ba glăi bôh tơhnal hơdôm tơlơi pơkôl hmâo kĭ. Khua mir sir dêh čar ta brơi thâo amra pơtrut hơdôm bôh ƀirô bơdjơ̆ nao mơ̆ng Việt Nam gum hrŏm hăng djru gum kiăng Khua anih jưh pơ ala ngă giong klă bruă jao mơ̆ng pô./.