Amăng mông tŭ jum, Khua mir sir dêh čar ta pơsit yôm bruă mă hăng tơlơi gum hơgôp mơ̆ng Khua čih pioh gah Sang gum hơbit djop dêh čar hăng Sang gum hơbit djop dêh čar kơ tơlơi rơnuk rơnua, hơđong, pơhlôm jar kơmar, hrŏm hăng anun pơtŏng sit Việt Nam amra dŏng yua hăng gum hơgôp klă amăng hơdôm tơlơi gir run hrŏm anun.

Khua mir sir dêh čar ta pơtŏng sit Việt Nam lăng Sang gum hơbit djop dêh čar lĕ khul ba jơlan hlâo rơnuk rơnua, gum hrŏm, pơđĭ kyar ƀơi rŏng lŏn tơnah hăng pô gơyut đăo gơnang, ha pran jua, kĕ phĭ sui thun mơ̆ng Việt Nam amăng djop jơlan pơđĭ kyar lŏn ia. Khua mir sir dêh čar ta rơkâo Sang gum hơbit djop dêh čar djru dong Việt Nam ngă tui hơdôm tơlơi pơkôl jar kơmar, amăng anun hmâo Jơlan hơdră mă bruă hrŏm mơ̆ng ƀing ta (OCA) ăt kah hăng lơm ngă tui hơdôm tơhnal ba tơbiă pơđĭ kyar lŏn ia./.