Khua mir sir dêh čar ta pơsit kơplah wah dua bôh dêh čar hmâo lu tơlơi djơ̆ hrŏm hăng lŏn drŏn pioh ngă brơi tơlơi gum hrŏm giăng mah Việt Nam hăng Japan pơđĭ kyar kơtang hloh dong amăng lu bruă.

Khua mir sir dêh čar ta ơi Võ Văn Thưởng rơkâo dua bơnah pơtrut bơkơtuai dong grŭp gưl dlông hăng hơdôm gưl kiăng djru hơkrŭ đĭ hăng kơtưn tơlơi đăo gơnang bruă kơđi čar; đing nao pơtrut gum hrŏm bơwih ƀong, sĭ mơdrô, tuh pơplai, mă bruă, ODA, pơtô pơhrăm mơnuih mă bruă amăng anun hmâo pơtô juăt mơnuih apăn bruă git gai, wai lăng hơdôm gưl; pơtrut kơtang bơkơtuai plơi pla, bôh thâo, čuăi ngui, bơkơtuai nao rai mơnuih ƀôn sang hăng rơnuk hlăk ai dua bôh dêh čar. Gah hơdôm tơlơi jar kơmar hăng amăng kual, Khua mir sir dêh čar ta pơtŏng sit, Việt Nam amra gum hrŏm kơjăp hăng Japan gum hơgôp amăng truh kih mơ̆ng Jơnum gưl dlông ASEAN – Japan rơnuč thun 2023./.