Pơhiăp amăng mông tŭ jum, Khua mir sir pơtŏng sit, Ping gah, Kơnuk kơna hăng mơnuih ƀôn sang Việt Nam lăng yôm na nao, djă pioh tơlơi dŏng yua, gum hrom hơbit kơtang tit hăng djru gum yôm phăn mơng hơdôm khul grŭp tơpă, pơplih phrâo jar kơmar amăng anun hmâo Khul pơgang rơnuk rơnua rŏng lŏn tơnah hăng hơdôm khul grŭp ding kơna pioh kơ dêh čar Việt Nam hrưn mă tơlơi rơngai djuai ania hlâo adih, ăt kah hăng amăng bruă pơdŏng hăng pơgang lŏn ia ră anai.

Bâo nao truh tơhnal pơkă jing sa dêh čar glăk pơđĭ kyar hmâo măi mok phrâo rơnuk anai, prăk pơhrui glăi hơnong ñu lu amăng thun 2030 hăng jing dêh čar pơđĭ kyar, prăk pơhrui glăi lu amăng thun 2045, Khua mir sir Nguyễn Xuân Phúc brơi thâo, kiăng dưi ngă djơ̆ tơhnal ba tơbiă, Ping gah, Kơnuk kơna hăng mơnuih ƀôn sang Việt Nam đing nao ngă tui pran pô mơng abih bang djuai ania, jing phun than pơsit gum hrom gơgrong hlâo mut hrom hơneč mă ngăn rơnoh jar kơmar jing yôm phăn biă, djă kơjăp tơlơi rơnuk rơnua, hơđong kơ pơđĭ kyar lŏn ia pơdrong asah, mơnuih ƀôn sang yâu mơ-ak./.