Khua mir sir dêh čar ta pơsit Việt Nam lăng yôm tơlơi rô nao rai gum hrom lu mơta hăng Qatar; pơdah pran jua mơ-ak ƀơi anăp hơdôm tơlơi pơđĭ kyar klă amăng tơlơi rô nao rai giăng mah dua bôh dêh čar; pơsit yôm bruă bơkơtuai nao rai grŭp hơdôm gưl hăng dŏng yua klă tơdruă amăng hơdôm mông bơkơtuai lu bơnah.

Khua mir sir dêh čar ta ơi Nguyễn Xuân Phúc tŭ jum Khua anih jưh pơ ala kơ dêh čar Qatar nao

Kiăng pơtrut gum hrom hloh dong kơplah wah Việt Nam hăng Qatar pơ̆ anăp anai, Khua mir sir dêh čar rơkâo dua bơnah gum hrom pơphun hơdôm bruă mă hơdor glăi 30 thun hrơi pơdŏng bruă pơtom hiăp amăng thun 2023; pơtrut kơtang hơdôm bruă bơkơtuai nao rai hơdôm gưl khul; rơkâo anom bơwih ƀong hăng hơdôm keh prăk tuh pơplai Qatar kơtưn tuh pơplai ƀơi dêh čar Việt Nam. Khua mir sir čang rơmang Khua anih jưh pơ ala hăng bruă apăn phrâo hơpă, amra jing jơlan tô nao rai pơtrut tơlơi rô nao rai giăng mah, gum hrom kơplah wah dua bôh dêh čar./.