Amăng mông bơkơtuai, dua gơñu pơsit yôm tơlơi pơđĭ kyar mơ̆ng tơlơi rô nao rai dua bơnah hơdôm hrơi rơgao, biă ñu tơdơi kơ pơđĭ tui tơlơi rô nao rai gum hrŏm thun 2015. Tơlơi rô nao rai bruă kơđi čar, pơtom hiăp jai hrơi dưi hơkrŭ đĭ hluai tui djă pioh hơdôm bruă pơbưp, lăi pơthâo nao rai grŭp gưl dlông hăng hơdôm gưl; hơdôm hơdră gum hrŏm dua bơnah dưi pok pơhai ba glăi bôh tơhnal.

Gah jơlan gah pơsit pơđĭ kyar tơlơi rô nao rai dua bôh dêh čar pơ̆ anăp anai, dua gơñu hmâo tŭ ư kơtưn đĭ hloh dong bruă gum hrŏm kơđi čar, pơtom hiăp hluai tui kơtưn čuă nao rai hăng pơbưp gưl dlông hăng hơdôm gưl; gum hrŏm pơdŏng Jơlan hơdră pok pơhai tơlơi rô nao rai gum hrŏm rơwang 2025-2030. Gah tơlơi Ia Rơsĭ Ngŏ, dua bơnah pơkôl djă pioh hăng pơtrut rơnuk rơnua, hơđong, pơhlôm hăng tui hluai pô rô nao rai ƀơi jơlan ia rơsĭ hăng jơlan rơhuông adai; iâo pơthưr hơdôm bơnah añ ƀiă, ƀu pơhuĭ truh yua khul ling tơhan ƀudah mă yua phao kơtuang, pơpŭ pơtrut hơdôm bruă pơtom hiăp, tơlơi phiăn, pơsir tơlơi bơrơsua hăng jơlan rơnuk rơnua, hluai tui tơlơi phiăn pơkă phun jar kơmar, amăng anun hmâo Tơlơi pơkôl Tơlơi phiăn ia rơsĭ thun 1982 (UNCLOS)./.