Pơ ala kơ Khua git gai Ping gah, Kơnuk kơna hăng kơnuih lĕ sa čô čơđai gưl dlông hơđăp, Khua mir sir dêh čar ta Võ Văn Thưởng pơdah tơlơi mơ-ak hăng ol pran jua lơm glăi čuă sang hră amăng hơdôm hrơi đơ đam dêh čar anăp nao hơdor glăi hrơi pioh kơ Nai pơtô čơđai Việt Nam 20/11. Khua mir sir dêh čar ta ăt mơ-ĭt mơn tơlơi tơña bla tơpă sit hăng tơlơi hơ-ưč hmưi klă hiam hloh truh hăng ƀing nai pơtô čơđai ƀrô djơ̆ tal 20/11.

Hăng rơbêh kơ 65 thun pơjing hăng pơđĭ kyar, khul mơnuih mă bruă mơ̆ng sang hră dưi pơhrua nao na nao, pơlar gah mrô, bôh thâo, rơnoh hrăm, tơlơi hrăm dlông, hmâo rơnoh kơpal tơlơi găn rơgao amăng kơsem min, pơtô pơblang. Lu nai pơtô, nai prin tha hmâo lu anăn pơanăn bôh thâo phrâo pơtô pơhrăm dlông yôm amăng hăng pơ̆ dêh čar tač rơngiao, dưi hmâo čơđai gưl dlông hăng mơnuih mơnam đăo gơnang, kiăng khăp. Tal anai, Khua mir sir dêh čar ta ăt jao mơn 20 anung prăk hrăm hră abih bang 100 klăk prăk kơ čơđai gưl dlông hrăm rơgơi mơ̆ng sang hră hăng 100 klăk prăk amăng jơlan hơdră pơsur hrăm hră, pơsur mơnuih rơgơi mơ̆ng sang hră./.