Khua mir sir dêh čar ta Võ Văn Thưởng čuă, hơ-ưč hmưi Tết mơnuih mă bruă ƀơi pra mă ia jâo pơ̆ ia rơsĭ
Thứ bảy, 09:56, 27/01/2024
VOV/Siu H' Prăk pơblang
VOV/Siu H' Prăk pơblang
VOV4.Jarai – Tô̆ tui jơlan hơdră nao čuă, hơ-ưč hmưi Tết tui phiăn juăt Giáp Thìn 2024, mơguah lơ 26/1, mơ̆ng plơi prong Vũng Tàu, Khua mir sir dêh čar ta Võ Văn Thưởng hăng Grŭp hyu mă bruă hmâo đĭ rơdêh bek nao pơ̆ Pra mă ia jâo anom phun mơ̆ng Sang bruă pơlir bruă bơwih ƀong Cửu Long (iâo klah čun Cửu Long JOC), čuă, pơsur, hơ-ưč hmưi Tết, mă bruă hăng mơnuih apăn bruă, ƀing thâo bruă glăk mă bruă ƀơi pra mă ia jâo, hơdôm mơnuih pơ ala kơ 6 rơbăn čô mơnuih apăn bruă, mơnuih mă bruă gah ia jâo hyuh.
Tơdơi kơ hmư̆ tơlơi lăi pơthâo glăi, Khua mir sir dêh čar ta Võ Văn Thưởng mơ-ĭt truh abih bang mơnuih apăn bruă, mơnuih mă bruă ƀơi Pra mă ia jâo mơ̆ng Cửu Long JOC lăi ha jăn, abih bang anom bruă ia jâo hyuh lăi hrŏm tơlơi tơña bla hăng hơ-ưč hmưi thun phrâo klă hiam hloh.
Hăng 415 klăk kơthung ia jâo dưi mă, Khua mir sir dêh čar ta pơsit yôm Cửu Long JOC hmâo tơlơi gum hơgôp yôm phăn hăng bruă ia jâo hyuh hăng ngăn drăp lŏn ia. Lăi rơđah, bruă hyu hơduah mă ia jâo hyuh lĕ bruă mă yôm phăn, Khua mir sir dêh čar ta rơkâo mơnuih apăn bruă, mơnuih ping gah mă bruă gah grŭp ia jâo hyuh khom lăi pơthâo dơlăm lĕ, pơđĭ kyar bơwih ƀong nao hrŏm na nao hăng pơhlôm pơgang lŏn ia rơnuk rơnua plơi pla nao hrŏm hăng pơđĭ kyar bơwih ƀong./.
Viết bình luận