Pơhiăp amăng mông mă bruă, Khua mir sir dêh čar ta Võ Văn Thưởng rơkâo Quân khu 5 lăi pơthâo abih, thâo dơlăm Tơlơi pơtrun pơsit Ping gah dêh čar ta mrô 8 tal 13 kơ bruă pơgang lŏn ia amăng rơnuk phrâo hăng Tơlơi pơtrun pơsit mơ̆ng Ping gah kơ pơgang lŏn ia, rơnuk rơnua plơi pla.

Khom thâo rơđah, pơblang, pơsit hăng pơkă lăng hlâo djơ̆ sit tơlơi, biă ñu hơdôm tơlơi pơplih bơdjơ̆ nao pơgang lŏn ia, rơnuk rơnua plơi pla ƀơi Quân khu, ƀu pioh hmâo kah mơ̆ng ngă, ƀu dô̆ kơtuă amăng djop mơta kơđi tơlơi. Khua mir sir dêh čar ta ăt rơkâo mơn Quân khu djă pioh tơpă hơdră pơhrăm blah; Đing nao pơđĭ tui anô̆ klă bruă pơhrăm, tui bôh nik hmâo; Pơđĭ klă bôh tơhnal bruă pơtom hiăp pơgang lŏn ia, pơjing guai dêh čar rơnuk rơnua, giăng mah, hơđong, pơđĭ kyar hăng ngă klă bruă djru Gơyut Lao, Kur./.