Djă pioh, pơsit yôm bôh tơhnal hơdôm bruă mă mơ̆ng Kông ang ƀôn prong, Khua mir sir dêh čar ta črâo rơđah, hăng anô̆ pha ra ha jăn lĕ anih anom phun bruă kơđi čar, bôh thâo, bơwih ƀong – mơnuih mơnam, ƀôn prong Hồ Chí Minh hmâo bruă mă, anih gơgrong yôm phăn biă hăng Kual hăng đơ đam dêh čar.

Khua mir sir dêh čar rơkâo Kông ang ƀôn prong khom lăng yôm bruă pơhing, lăng tui kơjăp, anih anom, pơphô hmao tlôn kơ hơdôm gưl, hơdôm gơnong bruă hăng gong gai hơdôm gưl mơ̆ng ƀôn prong pioh pơsir klă hơdôm tơlơi hơđong pơhlôm amăng djop tơlơi. Khua mir sir rơkâo khul Tơhan polih pơgang pơgăn apui ƀong hăng pơtlaih mơnuih hăng djru gum mơ̆ng ƀôn prong khom pơđĭ tui bôh tơhnal bruă wai lăng Kơnuk kơna kơ pơgang, pơgăn apui ƀong hăng pran jua: “Khă hlơi, anom hơpă, leng kơ ngă tui tơpă tơlơi pơkă kơ pơgang, pơgăn apui ƀong”./.