Amăng mông hơ-ưč hmưi Tết, Khua mir sir lăi rơđah, Ƀirô pơtrun bruă tơhan polih hơdeč hmar khom ngă klă bruă pơdŏng Ping gah, sit nik klă hiam, kơjăp kơtang, ngă tui tơpă 6 mơta tơlơi Wa Hồ pơtô Kông ang mơnuih ƀôn sang, kiăng rim mơnuih apăn bruă tơhan, ling tơhan sit nik lĕ gru ba jơlan hlâo, jing gru rup mơ̆ng mơnuih Kông ang mơnuih ƀôn sang, yua kơ lŏn ia wor bit drơi pô, yua kơ mơnuih ƀôn sang mă bruă; mă tơlơi mơ-ak, tâo yâo hăng tơlơi pơhlôm hơđong mơ̆ng mơnuih ƀôn sang lĕ tơlơi mơ-ak, tâ̆o yâo mơ̆ng drơi pô.

Lăi rơđah, hrơi Tết jing tal tum jơngum sang anô̆, samơ̆ lu tơhan polih hơdeč hmar khom ngă tui bruă dô̆ gak, bŏng glăi djop tơlơi amra truh, Khua mir sir rơkâo Ping gah, Ƀirô pơtrun bruă tơhan polih hơdeč hmar, khua apăn bruă git gai lăng ba, bơwih brơi tơlơi hơdip mơda pran jua, gơnam tam pioh rim tơhan dô̆ glăk, pơgang mă bruă jao ƀơi hơpă leng kơ mưn ƀuh pran jua pơđao mơ̆ng hrơi thun phrâo, amăng tơlơi lăng ba mơ̆ng khua mua, pô git gai./.