Amăng tal nao čuă, Khua dêh čar Japan Kishida Fumio hăng Bơnai ñu git gai mông čơkă jum Khua mir sir dêh čar ta Võ Văn Thưởng hăng Bơnai ñu. Dua gơñu ăt amra ba jơlan hlâo mơn grŭp gưl dlông dua bôh dêh čar bơkơtuai, pơsit hơdôm bôh than ba glăi amăng 50 thun pơdŏng bruă pơtom hiăp hăng ba tơbiă hơdôm jơlan gah gum hrŏm kơjăp kơtang hloh dong pơ̆ anăp anai.

Khua mir sir dêh čar ta Võ Văn Thưởng hăng Bơnai ñu ăt amra bơkơtuai mơn hăng Ơi pơtao hăng Bơnai Ơi pơtao Japan; bưp Khua git gai wai lăng pơ ala mơnuih ƀôn sang gơnong dlông hăng gơnong yŭ dêh čar Japan hăng hmâo tơlơi pơhiăp yôm phăn amăng Ƀirô Khua pơ ala mơnuih ƀôn sang Japan; nao pơhmư̆ mông ngă lơphet Hơdor glăi 50 thun pơdŏng bruă pơtom hiăp Việt Nam – Japan; Tŭ jum khua git gai sa dua Ping gah hăng sa dua čô khua apăn bruă Kơđi čar Japan./.