Nao pơhmư̆ mông jơnum yôm phăn anai hmâo Tơdăm Phu dêh čar Japan Akishino hăng Bơnai ñu, Khua git gai wai lăng pơ ala mơnuih ƀôn sang gơnong yŭ dêh čar Japan Nukaga Fukushiro hrŏm hăng Khua git gai hơdôm Ding jum, gơnong bruă, tơring čar, ƀôn prong, khul giăng mah dua bôh dêh čar hrŏm hăng ƀing gơyut Japan jê̆ giăm hăng Việt Nam.

Amăng mông ngă lơphet, Khua mir sir dêh čar ta Võ Văn Thưởng hăng bơnai ñu hrŏm hăng Tơdăm Phu dêh čar Japan Akishino hăng Bơnai ñu, Khua git gai wai lăng pơ ala mơnuih ƀôn sang gơnong yŭ dêh čar Japan Nukaga Fukushiro hăng tuai jak iâo hmâo hmư̆ lăng laih Jơlan hơdră pĕ gông atông brô̆ Giăng mah Việt Nam – Japan. Jơlan hơdră yua kơ Ding jum Bôh thâo, Bơkơjăp drơi jăn hăng Tuai čuă ngui gum hrŏm hăng Khua anih jưh pơ ala kơ Việt Nam ƀơi Japan pơphun. Tal anai, Khua mir sir dêh čar ta Võ Văn Thưởng ăt hyu čuă lăng mơn anih anom pơdă prưng rup hơdor glăi 50 thun hrơi pơdŏng bruă pơtom hiăp Việt Nam hăng Japan pơdă prưng hơdôm gru pơđom pioh đưm amăng bruă pơtom hiăp Việt Nam hăng Japan./.