Ƀơi kual djă hơdor pioh, ƀơi anăp bơngăt jua sông kơtang djuai ania, anăn păn thâo rơgơi Nguyễn Trãi, Khua mir sir dêh čar ta hrŏm hăng grŭp khua pơ ala hmâo pơpŭ tuĭ ñang, hơdor glăi pran jua prong prin Ức Trai pô nao hlâo, sa čô thâo rơgơi, sa čô mơnuih hmâo tơlơi pơmin nao hlâo, sa čô mơnuih thâo bruă kơđi čar, thâo bruă tơhan, pơtom hiăp rơgơi.

Ƀơi anai, Khua mir sir dêh čar ăt nao pơhmư̆ mơn mông ngă Lơphet pok phun bruă mă akô̆ bơyan bơnga hăng anăn ñu: Plơi prong jưh jom Hà Nội: “Văn hiến – thâo rơgơi – rơnuk anai” hăng ngă tui pơhiăn pok phun bruă mă akô̆ bơyan bơnga. Bruă pok phun bruă mă akô̆ bơyan bơnga mơ̆ng sui hmâo djă pioh kah hăng sa gru hiam bôh thâo phiăn juăt mơ̆ng djuai ania Việt. Hơdôm gru bôh hră blung a mơ̆ng thun juăt mơ-ĭt čăng rơmang hơdôm tơlơi klă hiam, tơphă, yâo mơ-ak, pơdah phiăn juăt pơpŭ, ƀong bôh hơdor tơngia pô  klơi mơ̆ng djuai ania Việt Nam, pơtrut kơtang bruă pơsur hrăm hră, pơsur pran jua ƀing thâo rơgơi; djru pơsur pran jua hor hrăm hrăm, pơjing bôh thâo ană mơnuih Việt Nam./.