Khua mir sir dêh čar ta Võ Văn Thưởng bơni hăng pơdah pran jua mơ-ak bưp glăi Khua dêh čar Hun Manet amăng tal rai čuă dêh čar Việt Nam; pơtŏng sit Việt Nam lăng yôm na nao hăng čang rơmang ƀu pơdơi hơkrŭ đĭ tơlơi rô nao rai giăng mah hăng gum hrŏm abih bang hăng Kur.

Dua gơñu tŭ ư pơtrut kơtang hloh dong gum hrŏm bruă kơđi čar, pơgang lŏn ia – rơnuk rơnua plơi pla, bơwih ƀong – sĭ mơdrô, kơsem min bôh thâo – hơdră phrâo măi mok, bruă đang hmua, tuai čuă ngui, bơkơtuai mơnuih ƀôn sang; kơtưn đĭ dong bruă gum hrŏm pơtô juăt, pơtô pơhrăm hăng pơđĭ tui bôh thâo mă bruă; gum hrŏm kơtưn hyu lăi pơhing, pơtô juăt hơdôm gưl mơnuih ƀôn sang dua bôh dêh čar, biă ñu rơnuk hlăk ai kơ gru grua phiăn juăt nao hrŏm hăng hơdôm bôh than dưi ngă mơ̆ng tơlơi rô nao rai giăng mah hăng gum hrŏm abih bang Việt Nam – Kur./.