Amăng mông tŭ jum, Khua mir sir dêh čar ta pơsit yôm bôh tơhnal bơkơtuai sit nik, ba glăi bôh tơhnal kơplah wah Kơ-iăng Khua mir sir dêh čar ta Võ Thị Ánh Xuân hăng Kơ-iăng Khua mir sir dêh čar Nam Phi Paul Mashatile. Khua mir sir dêh čar ta lăi rơđah, dêh čar Việt Nam lăng yôm biă tơlơi rô nao rai gum hrŏm yua kơ Gum hrŏm hăng Pơđĭ kyar hăng Nam Phi, čang rơmang dua bơnah pơtrut kơtang dong gum hrŏm, ngă dơlăm hloh dong tơlơi rô nao rai amăng lu bruă pơ̆ anăp anai.

Pơdah pran jua mơ-ak tal blung a rai čuă dêh čar Việt Nam hăng kual ASIA, Kơ-iăng Khua mir sir dêh čar Paul Mashatile, Kơnuk kơna hăng Gong gai Nam Phi lăng yôm hăng čang rơmang pơtrut tơlơi rô nao rai gum hrŏm lu mơta hăng Việt Nam. Amăng mông tŭ jum, dua bơnah tŭ ư hrŏm kơtưn bưp, bơkơtuai nao rai grŭp, biă ñu gưl dlông, pioh hruă kơjăp dong pran đăo gơnang bruă kơđi čar; dŏng yua tơdruă amăng hơdôm mông bơkơtuai lu bơnah, biă ñu ƀơi Sang gum hơbit djop dêh čar, pơtrut kơtang gum hrŏm bơwih ƀong, sĭ mơdrô, tuh pơplai, pơtô pơhrăm, pơtô juăt hăng hơdôm bruă phrâo kah hăng pơplih mrô, bơwih ƀong mơtah, djru sit nik pơđĭ kyar bơwih ƀong – mơnuih mơnam rim bôh dêh čar./.