Khua mir sir dêh čar ta hăng grŭp hyu mă bruă pơpŭ bơnga, tuĭ ñang hơdor kơ Khua mir sir Hồ Chí Minh, Khua git gai krên dên mơ̆ng Ping gah hăng mơnuih ƀôn sang ta, Sông kơtang tlaih rơngai djuai ania, Pô thâo rơgơi hloh ană mơnuih.

Hơdor tơngia, pơpŭ dơlăm hăng ư-ang kơ Wa, Khua mir sir hăng grŭp hyu mă bruă ƀuăn hrăm tui na nao hăng ngă tui tơlơi pơmin, pran jua, kơnuih yôm hiam mơ̆ng Ñu. Kual djă pioh gru grua lŏn ia Kim Liên, sa amăng hơdôm kual djă pioh gru grua yôm lăi kơ tơlơi hơdip mơda hăng bruă mă mơ̆ng Khua mir sir Hồ Chí Minh, dŏng ƀơi 2 bôh să Kim Liên hăng Nam Giang, hmâo ƀut Gru grua plơi Hoàng Trù; ƀut gru grua Làng Sen. Ƀơi anai djă pioh hơdôm gru grua, gơnam tam nao hrŏm hăng plơi pla, sang anô̆, rơnuk čơđai hlăk ai hăng dua wot Wa glăi čuă plơi./.